Վարչապետ Նիկոլ Փաշինյանի՝ Սյունիք կատարած այցի շրջանակներում Սիսիանից հետո հաջորդ կանգառը Գորիս քաղաքն է: Վարչապետին ելույթից առաջ տվեցին սև գլխարկ՝ վրան հայտնի «Դուխով» լոգոն, որի վերաբերյալ Փաշինյանը փոքր հայտարարությամբ հանդես եկավ:

«Վերջին շրջանում, ցավոք, նկատում եմ, որ կոնկրետ այս լոգոն կոմերցիոն նպատակներով օգտագործվում է, ինչին ես դեմ չեմ, բայց օգտագործվում է բուքմեյքերական գրասենյակների կողմից և այլն, ինչն ինձ մտահոգում է: Ես կոչ կանեի՝ այդպիսի նպատակներով չօգտագործվի լոգոն, առանց այդ էլ մարդկանց համար բուքմեյքերական գրասենյակների, խաղային ապարատների հետ կապված բազմաթիվ պրոբլեմներ են առաջանում»,- ասաց նա:

Փաշինյանը նշեց՝ եթե պարզվի, որ այդ լոգոն շարունակելու են օգտագործել, ապա կմտածեն՝ ինչ անել «սիրելի լոգոյի» հետ, բայց մինչ այդ նա կրկնեց իր կոչը՝ այս լոգոն այդ նպատակներով չօգտագործել:

Մեկնաբանություններ

մեկնաբանություններ